Rom 1 | Ndebele | STEP | UPawuli, inceku kaJesu Kristu, ebizelwe ukuba ngumphostoli , ehlukaniselwe ivangeli likaNkulunkulu ,

1 UPawuli, inceku kaJesu Kristu, ebizelwe ukuba ngumphostoli ^a, ehlukaniselwe ivangeli likaNkulunkulu ^b, 2 (alithembisa ngaphambili ^c ngabaprofethi bakhe emibhalweni engcwele ^d), 3 mayelana leNdodana yakhe, eyavela ^e enzalweni kaDavida ngokwenyama ^f, 4 eyabonakaliswa ^{▼▼ eyabonakaliswa: Gr. eyamiswa.} ukuba yiNdodana kaNkulunkulu ngamandla ^h, ngokukaMoya wobungcwele ⁱ, ngokuvuka kwabafileyo, uJesu Kristu iNkosi yethu; 5 esemukela ngaye umusa ^j lobuphostoli ^k ukuthi kube yikulalela kokholo ^l phakathi kwezizwe zonke ^m, ngenxa yebizo lakhe ⁿ, 6 elikuzo lani, babiziweyo bakaJesu Kristu ^o: 7 Kubo bonke abaseRoma, abathandiweyo bakaNkulunkulu, ababizelwe ukuba ngabangcwele ^p: Kakube kini umusa lokuthula okuvela kuNkulunkulu uBaba wethu leNkosini uJesu Kristu ^q.

Isifiso sikaPawuli sokutshumayela ivangeli eRoma

8 Kuqala-ke ngibonga uNkulunkulu wami ngoJesu Kristu ngani lonke ^r, ukuthi ukholo lwenu lumenyezelwa emhlabeni wonke ^s. 9 Ngoba uNkulunkulu ungumfakazi wami ^t, engimkhonza emoyeni wami ngevangeli leNdodana yakhe ^u, ukuthi kangiyekeli ukulikhumbula, 10 ngesikhathi sonke emikhulekweni yami ^v ngicela ^w, ukuthi nxa kusenzeka ngentando kaNkulunkulu ^x, ngiphumelele ukuza kini ^y ekucineni. 11 Ngoba ngilangatha ukulibona, ukuze ngiliphe ^z isipho esithile somoya, ukuze liqiniswe ^aa, 12 okuyikuthi, siduduzeke ndawonye phakathi kwenu ngokholo olukomunye lomunye, olwenu kanye lolwami ^ab. 13 Kanti angithandi ukuthi kungaziwa kini, bazalwane, ukuthi ngazimisela kanengi ukuza kini ^ac (ngasengibambeka kuze kube khathesi ^ad), ukuze ngizuze ^ae esinye isithelo ^af laphakathi kwenu, lanjengaphakathi kwezinye izizwe. 14 Ngilomlandu kumaGriki ^ag kanye lakwabezizwe ^ah, kwabahlakaniphileyo kanye lakwabangahlakaniphanga; 15 ngokunjalo njengokukimi ngilungele ukutshumayela ivangeli lakini abaseRoma.

16 Ngoba kangilanhloni ngevangeli likaKristu ^ai; ngoba lingamandla kaNkulunkulu kube lusindiso kuye wonke okholwayo ^aj, kumJuda ^ak kuqala ^al lakumGriki ^am. 17 Ngoba ukulunga kukaNkulunkulu ^an kwembulwa kilo kusukela kukholo kusiya kukholo; njengokulotshiweyo ukuthi ^ao: Kodwa olungileyo uzaphila ngokholo ^ap.

Intukuthelo kaNkulunkulu ngezono zabezizwe

18 Ngoba ulaka lukaNkulunkulu luyabonakaliswa luvela ezulwini phezu kwakho konke ukungakhonzi uNkulunkulu lokungalungi kwabantu abavimbela iqiniso ngokungalungi ^aq; 19 ngoba ^ar lokho okwaziwayo ngoNkulunkulu kusobala phakathi kwabo; ngoba uNkulunkulu ukubonakalisile kubo ^as. 20 Ngoba okungabonwayo kwakhe, selokhu kwadatshulwa umhlaba ^at, kuzwisiseka ngezinto ezenziweyo, kubonakaliswa obala, ngitsho amandla akhe aphakade kanye lobuNkulunkulu bakhe ^au, kuze kuthi kabalakuzivikela ^av; 21 ngoba kuthe bemazi uNkulunkulu, kabamdumisanga njengoNkulunkulu kabambonga, kodwa baba ^aw yize kumicabango yabo ^ax, lenhliziyo yabo engaqondiyo ^ay yenziwa yaba mnyama ^az. 22 Bezitshaya abahlakaniphileyo baba yizithutha ^ba, 23 lenkazimulo kaNkulunkulu ongabhubhiyo bayiphendulela ^bb ekufananeni lomfanekiso womuntu obhubhayo ^bc, lowezinyoni, lowezidalwa ezilenyawo ezine, lowokuhuquzelayo ^bd. 24 Ngalokho-ke uNkulunkulu wabanikela emanyaleni, enkanukweni zenhliziyo zabo ^be, ukuthi badumaze imizimba yabo phakathi kwabo ^bf; 25 abaphendulela iqiniso likaNkulunkulu ^bg emangeni ^bh, basebedumisa bekhonza okudaliweyo kuloMdali, ongobongekayo kuze kube phakade. Ameni ^bi. 26 Ngenxa yalokho uNkulunkulu wabanikela ^bj enkanukweni ezilihlazo ^bk; ngoba labesifazana babo baphendula ukwenza kwemvelo kwaba ngokuphambene lemvelo ^bl; 27 langokunjalo labesilisa bayekela ukwenza kwemvelo kowesifazana, batsha ngokukhanukana kwabo, abesilisa labesilisa benza okulihlazo, bemukeliswa phakathi kwabo umvuzo ofanele ukuduha kwabo. 28 Njalo njengalokhu bengavumanga ukuba lolwazi ngoNkulunkulu ^bm, uNkulunkulu wabanikela ukuthi babe lengqondo ebolileyo ^bn, eyokwenza izinto ezingafanelanga ^bo; 29 begcwaliswe konke ukungalungi, ukuphinga, ububi ^{bp
,} ^bq, umhawu ^br, inzondo ^{bs
,} ^{bt
,} ^bu; begcwele umona ^bv, ukubulala, inkani, inkohliso, ulunya ^bw; abahlebayo ^bx, 30 abanyeyayo ^by, abazonda uNkulunkulu ^bz, abangelamakhanda ^ca, abazigqajayo ^{cb
,} ^cc, abazikhukhumezayo ^cd, abaqambi bezinto ezimbi ^ce, abangalaleli abazali ^cf, 31 abangelangqondo, abephula izithembiso ^cg, abalolunya ^ch, abangelakuxoliswa, abangelasihawu ^ci; 32 abathi besazi umlayo wokulunga kaNkulunkulu ^cj, ukuthi abenza izinto ezinjalo bafanele ukufa ^ck, kungesikuthi bayazenza kuphela, kodwa futhi bevumelana labazenzayo ^cl.